Gen moman nan trajèktwa yon pèp kote reyalite a vin tounen yon chay ki twò lou pou konsyans moun sipòte. Se moman kote kesyon fondamantal yo pa sèlman objè refleksyon, men yo vin tounen yon kòmandman pou aji.
Kesyon "Nan ki Ayiti ou vle viv?" pa soti nan teyori ki nan liv, ni nan bèl diskou diplomatik. Li soti nan rèl lari yo, nan mizè mas pèp la k ap kwoupni anba enjistis, ak nan rèv yon jenerasyon sistèm nan eseye toufe chak jou.
Li istwa nou an antye →"Depi yon jenerasyon vin konsyan de wòl istorik li, pa gen okenn fòs reyaksyonè ki ka anpeche li leve kanpe."— GJKA, Manifes fondatè
"Depi yon jenerasyon vin konsyan de misyon istorik li, pa gen okenn fos reyaksyone ki ka anpeche leve li."— GJKA, Manifes fondatè
GJKA se pa yon senp klèb sosyal. Li te jèmen kòm yon revòlt entelektyèl ak politik nan tèt yon jenerasyon ki refize aksepte fatalite, refize dezòd òganize, epi refize yon sistèm ki ekskli majorite a.
Nou te konprann ke pwoblèm yo pa emosyonèl — yo se rezilta yon rapò de fòs politik ki pa an favè mas yo. Repons lan pa ka endividyèl; li dwe yon repons kolektif ki makonnen ak yon òganizasyon serye.
Aprann plis sou GJKA →Analiz pwofon kriz estriktirel Ayiti a pou bati repons ki dire nan tan.
San fòmasyon politik solid, jèn yo ap toujou rete zouti.
San òganizasyon, pa gen pouvwa — epi san pouvwa, pa gen chanjman.
GJKA pran nesans nan yon moman kote kriz ayisyen an pa ka eksplike ankò kòm yon kriz pasajè, men kòm rezilta yon estrikti istorik ki pwodwi inegalite, depandans ak eksklizyon.
Kriz politik la se refleksyon yon kriz estriktirèl ki pi pwofon. Enstitisyon yo pèdi kredibilite yo e jèn yo sèvi kòm "chè de kanon" san janm patisipe nan desizyon estratejik yo.
Kriz ekonomik la se konsekans yon modèl depandan ki repwodui eksplwatasyon ak eksklizyon sistèmik. Majorite a ap travay pou anrichi yon minorite.
Kriz sosyal la se rezilta yon absans jistis ak yon kriz sikolojik kote yo aprann pèp la meprize tèt li pou li ka pi fasil pou domine.
GJKA pa limite aksyon li nan reyaksyon emosyonèl. Li bati sou yon prensip radikal: chanjman pa yon aksidan, se yon konstriksyon volontè.
: Fòme, òganize ak mobilize jèn ayisyen pou konstwi yon nouvo lòd sosyal ki baze sou jistis, egalite ak souverènte nasyonal.
: Yon Ayiti kote pouvwa politik, ekonomik ak sosyal pa konsantre nan men yon minorite, men distribye nan enterè majorite a — kote jistis pa priyilèj men yon dwa pou tout moun.
Chak desizyon, chak aksyon, chak angajman GJKA fonde sou sis valè fondamantal.
Jistis kom fondasyon — se baz nesese pou konstwi yon sosyete kote tout moun gen plas yo.
Egalite kom prensip — pa selman nan mo men nan estrikti ak nan pratik.
Transparans kom metod — nan jesyon enten ak nan relasyon ak pep la.
Disiplin kom zouti — san disiplin, pa gen mouvman serye. San disiplin, pa gen pouvwa.
Angajman kom devwa — pa yon opsyon men yon responsablite devan pep la ak devan listwa a.
Solidarite kom fos — se le nou ini nou ka depase limit chak moun pou n rive pi lwen ansanm.
GJKA defini tèt li kòm yon mouvman pwogresis ki chache depase limit sistèm tradisyonèl yo. Se pa yon pozisyon emosyonèl — se yon priz de pozisyon baze sou analiz pwofon reyalite sosyal ak politik Ayiti a.
"San oganizasyon, pa gen pouvwa - epi san pouvwa, pa gen chanjman sosyal."— Prensip fondatè GJKA
Pandan twò lontan, jèn yo te kondane pou yo rale yon silans pasif devan dekonpozisyon Leta ak sosyete a. Men, listwa limanite aprann nou yon verite revolisyonè: depi yon jenerasyon vin konsyan de wòl istorik li, pa gen okenn fòs reyaksyonè ki ka anpeche li leve kanpe.
Nou mete fòmasyon politik ak kiltirèl nan sant aksyon nou paske nou konnen ke vrè liberasyon an pa sèlman chita nan chanje moun ki nan pouvwa, men nan chanje fason pèp la wè tèt li ak mond lan. Kriz Ayiti a se tou yon kriz sikolojik kote yo aprann nou meprize tèt nou pou nou ka pi fasil pou domine.
Nou mete fomasyon politik ak kiltirel nan sant aksyon nou, paske libete grandi nan kapasite pou panse pa tet ou. Diyite soti nan rekonet vale istorik ou. Pouvwa manifeste le yon mas konsyan oganize kole li.
Kesyon "Nan ki Ayiti ou vle viv?" pa la pou w reponn nan bouch sèlman. Li mande pou w pran yon pozisyon klè. Ou ka chwazi rete obsèvatè, gade peyi a k ap fini — oswa ou ka chwazi vin yon aktè nan gwo travay rekonstriksyon sa a.
Listwa pa janm ekri ak moun ki rete sou kote. Listwa pa janm ekri ak moun ki rete sou kote; li ekri ak swe ak kouraj moun ki angaje yo.